Musakolatik eta San Andrestik igaro ostean, Erguinen egingo du azken geldialdia Txatxilipurdiren ludoteka ibiltariak. Hala, apirilaren 22an eta 29an eta maiatzaren 6an eta 13an Itxaropena plazan elkartuko dira, 11:30etik 13:30era.
Askotariko txokoak jarriko dituzte eta hainbat aukera izango dituzte parte-hartzaileek sormena lantzeko, harremanak egiteko, mahai-jolasak ikasteko, norbere gaitasun eta abileziak erakusteko eta abarrerako.
3 eta 12 urte artekoei zuzenduta dago ludoteka ibiltaria, nahiz eta 3 urtetik beherakoek ere izango duten parte hartzeko aukera, heldu baten laguntza eta ardurapean betiere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.