Aldi berean, azpimarratu dute "hirugarren errepublikari begira estatu eredua aldatzeko ateak irekiko dituen erreforma konstituzionala" aldarrikatuko dutela; beharrezkotzat jotzen dute hori ahalbideratuko duen ibilbide-orri bat garatzea. "Demokrazia erreal bat maila politikoan, ekonomikoan eta sozialean, eta, sozialismorako bidetzat, [Espainiako] Estatuaren plurinazionaltasuna aitortuko duena".
Hala, erantsi dute "botere publiko indartsu, demokratiko eta parte-hartzailean" oinarritu nahiko luketela, era horretan, "eskubideak eta askatasunak" bermatzeko. "Bereziki langileen gehiengo sozialarenak babestuko dituena, Espainiako erregimen monarkikoaren ordezko eredutzat".
