Tradizio handia duen ospakizun kristaua da Gurutze-bidea Arrasaten, egun berean –Ostiral Santuan– hiru aldiz egiten dena: lehena, 08:00etakoa, erdigunean, eta beste biak, 11:00etan hasten direnak, Santa Teresan eta Uribarrin. Ekitaldi erlijioso hori, ordea, ez da gaurko egunez egiten den bakarra, San Juan Bataiatzailearen parrokian aitortzak egiten baitituzte goizean zehar. Arratsaldean, gainera, Jaunaren nekaldia eta heriotza izango dute hizpide, 18:00etan parrokian, 19:00etan San Andresen eta 19:30ean Santa Teresan.
Bihar, Zapatu Santua denez gero, Pazko Gaubela ospatuko dute, 19:00etan San Andresen, 19:30ean Santa Teresan eta 20:00etan parrokian.
