“Nik autismoa dut, baita nire semeak ere, eta konturatuta gaude jendeak ez duela autismoa ezagutzen. Gaia ikustarazi nahi izan dut”, azaldu du Desire Ots Romerok gaur Biteri plazan informazio banatzeko mahai jartzera bultzatu dituen arrazoiaz galetuta. Hala, autismoari buruzko informazioa jarri du eskuragai bertan, baita berak egindako txapk eta pultsaerak ere. Horiek salduta lortutako diru Gautenaerandako, autismo nahasmendua duten pertsonen senideen Gipuzkoako elkartearendako, izango da. Eguraldiak lagundu ez duen arren, jendea animatu da informatzera eta erostera.
“Jende asko eta asko dago autismoa zer den ez dakiena”, dio Otsek, eta horrek hainbat ondorio dakartzala gaineratu, adibideak emanaz: “Autismoa ez da ikusten den zerbait. Hortaz, gerta daiteke edozein lekutara joan eta pertsonari begietara begiratzen ez badiozu, pentsatzea zakarra edo ezatsegina zarela”. Era berean, dio gauza asko ez daudela autismoa duten pertsonentzat egokituta: “Erakuslehioetan, esaterako, gauza asko ez daude argi idatzita, eta ez dugu ikusten ondo zer den”.