Azaldu dutenez, Gipuzkoako Immigrazio Sareen Aurkako eta Dokumentuak Faltsutzeko Unitateko ikerlariak ohartu ziren kasuaz, eta, "bidegabezko erroldatzeen arrazoiak" zehazteko, lankidetzan aritu dira bestelako instituzioekin batera; hala nola, Espainiako probintzietako Atzerritartasun eta Muga Brigadekin. Hala, ondorioztatu dute etxebizitza horretan erroldatutako 89 pertsonetatik 38 gutxienez ez zirela inoiz bertan bizi izan, eta titularrak 50 eta 300 euro artean kobratzen zituela tramiteko.