Informazioa emateaz gain, txapak eta bestelako materialak izango dituzte salgai eta batutako dirua Gautena elkartera bideratuko dute, Autismoaren Espektroko Nahastea duten pertsonen senideen elkartera.
Horrekin batera, Gautena elkarteak Urdinduz martxa egingo du apirilaren 2an, domeka, Azpeitian. "Helburu nagusia autismoaren errealitatea bistaratzea da, errealitate ezberdinak gizarteari erakustea, aurkeztea. Azken finean, erakusten ez dena, ikusten ez dena existitzen ez dela dirudielako. Hor gaudelako eta hor egon nahi dugulako. Aukera berdinak nahi ditugulako gizarte honen partaide garen kide guztiontzat. Danok gara ezberdin eta aldi berean danok gara berdin", azaldu dute elkarteko kideek.