Atzo Dat tabernan You'll never walk alone zioen mezua eta Aidoren erretratua zeraman pankarta jarrita hasi zen omenaldia. Gaur goizean lagunarteko futbol partidua jokatu dute Zaldibarren, Dat eta Basatiko lagunen eta Saint Pauli Beste bat! taldeko kideen artean. Izan ere, Aido Liverpooleko zale amorratua zen, baina musika ere asko gustatzen zitzaion.
Horregatik egin dute eguerdi aldean kontzertu akustiko xumea, sinbolikoki haren izenarekin batailatu duten plazatxoan, Basati ondoan. Asier Salak eta Pello Herizek, besteak beste, kantu irlandarrak interpretatu dituzte, Stiff Little Fingers eta The Poguesenak. El Bille artistak ere bere ekarpentxoa egin du flamenco kutsuko kantuak joz.
