Ez dirudi, telesailetan bezala, elkarri tiroka hasiko direnik, baina bai, behintzat, tentsioak gora egingo duela bi aktore ezagunen arteko elkarrizketek aurrera egin ahala.
Txorakeriez egingo dute berba; adibidez, gazta-tartez, patineteez edota odol-pikoez. Baina baita gai serioen inguruan ere: Me Too mugimendua, klima aldaketa eta amatasun subrogatua, besteak beste. "Izan ere, gizarte honen arauak konplexuak direla jakinda, ustez adierazpen-askatasuna nagusi den guneetan jada zenbait gauza ezin dira aipatu ere egin". Premisa horretatik abiatzen da Txalo Produkzioak antzerki-konpainiaren obra. Begoña Bilbaok zuzenduta eta Salome Lelouchen testutik abiatuta, Ituñok eta Agirrek eztabaiden aukerak eta arriskuak arakatuko dituzte, batean hitz arruntetatik hasita, bestean galdera existentzialistak planteatuta eta hurrengoan familiarteko sekretu delikatuak kontatuta.
Sarrerak antzokiko lehiatilan edota Internet bidez eskura daitezke.