Celina Escherrek zuzendutako lana Teodora Vasquezen istorioan oinarrituta dago. Las 17 taldearen bozeramailea da Vasquez. Izan ere, hainbat emakumeri giza hilketa larriagotua leporatu zieten El Salvadorren, abortu espontaneoa izateagatik.
Protagonistaren kasua estremismoaren sinbolo bihurtu da abortuaren kriminalizazioan eta emakumearen aurkako krudelkerian, El Salvadorko sistemaren barruan; baina, baita ahalduntzearena, erresilientziarena eta elkartasunarena ere.
Vasquez, Arrasaten
Esan moduan, Teodora Vasquezek filma aurkeztuko du eta haien bizipenen eta borroken berri emango du zuzenean, Euskal Herrian egiten ari den biran, beren ahotsek eta borrokek El Salvadorretik kanpo ere oihartzuna izan dezaten.
Celina Escher zinegile suitzar-salvadortarraren lehen film luzea da. Hainbat herrialdetako zinemaldietan ibili da, eta 2022an Donostiako Zine eta Giza Eskubideen zinemaldian, non publikoaren film luze onenaren saria jaso zuen.
