Martxoaren 11n, 18an eta 25ean eta apirilaren 1ean egongo da ludoteka ibiltaria Arimazubi plazan. Txoko ezberdinak jarrita, askotariko aukerak izango dituzte parte-hartzaileek sormena lantzeko, harremanak egiteko, mahai-jolasak ikasteko, norbere gaitasun eta abileziak erakusteko eta abar.
3-12 urte bitartekoek eta horien guraso edo arduradunek izango dute aukera parte hartzeko. "Bestalde, 3 urtetik beherakoei ere aukera zabalduko diegu parte hartzeko, beti ere heldu baten laguntza eta ardurapean. Beraz, animatu eta gerturatu Arimazubira zapatu honetan 11:30etan, goiz atsegin zein jostagarria pasako dugu!", azaldu dute Txatxilipurditik.