Musika eskolako bandak eta orkestrak emango diote hasiera ekitaldiari, nork bere aldetik, eta ondoren, bi taldeak Tailer Musikala eta Musika Hizkuntzako ikasleekin, Goikobalu abesbatzarekin, Txorbela Otxotearekin, Izaskun Murgia elkarte lirikoarekin, Arrasateko parrokia-koruarekin eta Bergarako Orfeoiarekin irtengo dira oholtzara, Edu Arzamendik gidatuta.
Guztiek batera interpretatuko dituzten piezen artean egongo dira Ennio Morriconek The Missión filmerako egokitutakoak, Juan Arzamendiren Mari Errauskin obrakoak eta Arrasate Musikalen ereserkia. Musika eskolako 37 kide omentzeko ere baliatuko dute hitzordua.
Sarrerak 10 eurotan daude salgai Kajoin, Monten eta Ezkiñan. Kontzertu egunean ere erosi ahalko dira, 18:00tatik aurrera, Uarkapeko lehiatilan.