Arrasateko Udalak bi zebra-bide adimendun jarri ditu. Bata Gipuzkoa etorbidea 38n eta, bestea, Nafarroa etorbidea 2n (Kulturola). Otalora Lizentziatua kalekoarekin, hiru dira orain udalerrian. Azken hori izan zen, hain zuzen, Gipuzkoan jarri zuten lehena, 2021ean.
Bi zebra-bideetan oinezkoentzako pasabide adimendun bat jarri dute, elkarren artean konektatutako hamabi argi-plakaz osatua. Hala, oinezkoak pasatzean argiztatzen dira zebra-bidea eta seinale bertikalak. Izan ere, LED argiak dituzten seinaleak ditu eta sentsoreekin aktibatzen dira oinezkoek zeharkatzen dutenean.
Victoriano Fuentes Obra, Zerbitzu, Mantentze eta Auzoetako zinegotziak azaldu duenez, oinezkoen segurtasuna dute helburu zebra-bide adimendunek. Azken biak jartzeko inbertsioa 21.089,43 eurokoa izan da (BEZ barik).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
