Taldeko kidea da Peru Altube bateria-jole arrasatearra, eta urte hauetan guztietan taldekide izan ditu Josune Arakistain (trikitia eta ahotsa), Uxue Amonarriz (panderoa eta ahotsa), Aitor Huizi (biolina), Aitzol Eskisabel (gitarra) eta Inhar Eskisabel (baxua). Dena den, nabarmendu dute "ederrena" alboan izan dituzten bidelagunak direla. "Baina bide orok nekea ere eragiten du, aldapen gorabehera horretan. Arnasa hartu eta indarberritzeko astia behar dugu orain".
Kontzertu berezia
Hala ere, bien artean, gelditzen zaizkien kontzertuak egingo dituzte, euretako bakoitza "azkena balitz bezala" gozatuz. Eta gainera, aurreratu dute agurreko kontzertu berezi bat ere antolatuko dutela, Azkena balitz bezala lelopean. 2024ko otsailaren 3an izango da hori, Bilboko Miribillan, eta laster emango dituzte xehetasunak.
