"Etxeetan, lantokietan eta harremanetan langile klaseko emakumeak izaten jarraitzen dugu zaintza sostengatzen dutenak. Denboren eta baliabideen pobrezia pilatzen jarraitzen dugu. Lanaldi bikoitzekin, zerbitzu publiko urri eta prekarioak ordeztuz, denera iritsi ezinik, eta bidean gure bizitzak immolatuz", nabarmendu dute mugimendu feministako kideek.
Horregatik guztiagatik, mugimendu feminista berriro aktibatu dela diote, aldarrikatuz zaintzak irauli nahi dituztela, "dena" aldatzeko. "Egungo zaintza erregimen kapitalista eta patriarkala eraldatzeko asmoz, mobilizazio-prozesu bati ekin diogu. Eta, lehen mugarria Martxoaren 8an ezarri nahi dugu", gaineratu dute.
Mobilizazio-prozesu horren berri, emango dute, hain zuzen, asteleheneko saioan.
