“Egiteko nahiko erraza da”, azaldu dute Ekoudalatxeko Nerea Altuna eta Idurre Arangurenek hortzak garbitzeko pasta naturala etxean egiteari buruz. Eta horixe irakatsi dute gaur Arrasaten, bertako produktuen azokan eskaini duten ikastaroan. Aratusteetako zapatua izan arren jendea animatu da, eta hamazazpi lagunek hartu dute parte bertan.: “Harrituta geratu gara”, gaineratu dute
“Bai ala bai behar direnak dira karbonato kaltzikoa, xilitola, lore-urak eta buztina. Eta sendotzeko, glizerina eta xantana edo agar-agara”, esan dute Ekoudalatxekoek osagarrien inguruan, eta zailena osagarriak eurak bilatzea izan daitekeela, etxean ez duelako aparteko tresneriarik eskatzen: “Irabiagailu elektrikoarekin nahikoa da”.