Arrasateko Udalak Bizkaia etorbideko ezponda egonkortzeko lanak hasiko ditu bihar, ostirala, otsailak 17. Duela lau urte hainbat luizi izan ziren inguruan, eta, orduan, xafla batzuk jarri ziren eremu horretan dauden eskaileretan, harriak espaloira eror ez zitezen. Oraingoan, ezponda egonkortzeko obra egingo dute.
Horretarako, sare eta ainguraketa metalikoak jarriko dituzte zortzi astetako epean, etorkizunean lur-jausirik izan ez dadin. Lanek iraun artean, oinezkoek kalearen beste aldeko espaloitik zirkulatu beharko dute, eta autoek ezingo dute gune horretan aparkatu.