ZTIM (Zientzia, Teknologia, Ingeniaritza, Matematika) bokazioak sustatzeko lanean jarraitzen dute Garaia Parke Teknologikoak eta Mondragon Goi Eskola Politeknikoak testigantzen eta lehiaketen bidez: "Eredu femeninoak ikusarazteko eta eguneroko adibideekin hurbiletik ezagutzeko".
Horretarako, lau emakume zientzialari gonbidatu dituzte eguna ospatzeko; honako hauek: Garazi Garitaonaindia, Alaitz Landaluze, Jasone Giraldo eta Nerea Gil. "Haiekin partekatu ditugu esperientziak, pasadizoak, gogoetak eta ikuspuntu ezberdin eta osagarriak".
Jardunaldiak hiru urteko ibilbidea du eta haren helburua da ZTIM formakuntzetan dauden emakume eta gazteen egoeraren, haien ibilbide profesionalaren eta egiteko dagoen lanaren gaineko hausnarketa eta aldaketen beharra aldarrikatzea.
