EH Bilduko kideak "buru-belarri" ari dira datorren udal ziklorako prestaketa lanetan. Besteak beste, datozen urteetarako Arrasateko herri proiektua garatzen ari direla azaldu dute eta, bide horretan, lansaio irekia egingo dute otsailaren 23an, eguena, 18:30ean, Etxaluzen.
Ariketa kolektiboari ekin nahi dio EH Bilduk, politikagintza ez dutelako ulertzen herritarren parte hartzerik gabe, haien esanetan. "Norbanakoen esperientzia eta ezagutza Arrasateren geroa eraikitzeko baliatu nahi dugu, eta denon artean EH Bilduren proiektua definitu".
Hori hala, honako erronka hauek izango dira saioko ardatzak: erronka demokratikoa, berdintasunaren erronka, erronka ekosoziala, zaintzaren erronka eta erronka kulturala.
Gaineratu dute ateak zabalik dituztela proposamenak egin eta entzuteko. "Ezinezkoa bazaio norbaiti lansaiora gerturatzea, arrasate@ehbildu.eus helbide elektronikoan bere ekarpena egiteko aukera izango du", nabarmendu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
