"Asko kosta zaigu partiduan sartzea, ez dugu lortu partiduaren erritmoan sartzea eta huts asko egin ditugu. Bestalde, hiruko marratik asko asmatu ohi dugu eta gaur asko kosta zaigu horretan, baita saskiratze erosoak aurkitzea ere. Defentsan ere ez dugu izan oldarkortasun, energia eta intentsitate puntu hori", azaldu du Julen Berrocalek, MUren entrenatzaileak.
Halaber, aitortu du jakitun zirela, atsedenalditik bueltan estutu ezkero, partidua irabazteko gai izango zela taldea. "Hala ere, aurkariak ere jokatu egiten du eta, kasu honetan, Ardoik garaipenak behar ditu azpiko putzutik irteteko", dio Berrocalek.
Hala, garaipen garrantzitsua lortu dute arrasatearrek eta "oso pozik" dago entrenatzailea, "kontuan izanda beste emaitza batzuk izan direla eta hor goian gaudela".