42-18ko jipoia eman dio Kanpazar ART-k Bilboko unibertsitarioak taldeari. "Partida zaila" aurreikusten zuten arrasatearrek, Bilboko taldea indartsua baita, eta bigarren faseko sailkapenean ART baino bi puntu gehiagorekin zetorrelako Mojategira. Hala ere, Kanpazar ART-k sekulako nagusitasuna erakutsi du berdegunean.
Markagailuan 13-0 bikaina lortu dute zuri-moreek lehenengo minutuetan, eta Bilboko taldeak estutu duen arren, Julen Barrutiaren mutilek ondo eutsi dute defentsan. Atsedenaldira 20-12koarekin joan dira bi taldeak, eta talde bakoitzeko jokalari bana kanporatu egin ditu epaileak, ika-mika bat tarteko.
Bigarren zatia Arrasateko taldeak kontrolatu du hasieratik amaierara arte, eta defentsan bikain aritu dira Barrutiaren mutilak. Ostikoetan guztiz asmatu ez arren, ARTk 33-12ko abantaila lortu du, eta sufritu barik, 43-12ko markagailuarekin bukatu dute neurketa.