Askotariko opera eta bestelako emanaldi lirikoak antolatu izan ditu Ozenki elkarteak Arrasaten, eta martxoaren 27rako proposatu dute hurrengoa: Pucciniren Turandot obra izango da ikusgai. "Aurrez Amaia antzokian izan den Opera 2001 konpainia gonbidatu dugu. Puntako musikariak izango dira taularen gainean, 100 lagun inguru, eta eurekin batera Martin Mazickek zuzentzen duen Bulgariako Pleven orkestra", azaldu du Ozenki elkarteko kide Manu Gallaradok.
Puccinik konposatutako obra da Turandot, haren heriotzaren ondorioz Franco Alfanok bukatu bazuen ere. Hiru ekitaldiz osatutakoa da eta hirugarrenean oinarritutako emanaldia izango da Arrasatekoa; aria ezagunenak batzen dituen zatia, hain justu.
30 eurotan sarrerak
Bihar, domekan, jarriko dituzte salgai martxoaren 27an, 20:15ean, izango den emanaldirako sarrerak; Arrasate.eus eta Kutxabank.es atarietan eta Amaia antzokiko leihatilan izango dira. Elkartekoekin harremanetan jarrita ere badago sarrerak eskuratzeko aukera, Ozenkielkartea@hotmail.es helbidera idatzita.
