Haren arabera, Eusko Jaurlaritzak, gainera, Babes Bereziko Kultur Ondasun izendatu zuen Lezetxiki, bertako galeria batzuetan aztarnategi arkeologiko eta paleontologikoak zeudelako. Beraz, argi du zerk egiten duen huts: "ADIFek aurkeztutako AHTaren proiektuaren ingurumen inpaktuaren azterlanaren urritasuna eta Eusko Jaurlaritzaren utzikeria erakusten du".
Diru publikoaren "xahutzea"
Horrez gain, ekologistek nabarmendu dute era honetako garraio proiektuek "diru publikoaren xahutze izugarria" eragiten dutela gizartean, "bidegabekeriekin" bat, "beste premia sozial batzuk asetzeko inbertsioak alferrik galduta". Are gehiago, uste dute AHTaren proiektua "inposaketaren eta autoritarismoaren erakusle" dela. Halere, erantsi dute oraindik "inbertsio handiak behar dituen obra erraldoi hau" gelditzeko garaia dela: "Ingurumenak, biodibertsitateak, lurraldeak eta ekonomiak eskertuko digute".
