Gipuzkoako Antolakuntza Idazkari den Juan Luis Merinok abiatuko du topaketa. "Guretzat, funtsezkoa da programa, herritarrekiko egingo dugun aurkezpena baita, udalerriak eta gure lurraldeak eraldatzeko eskaintzen dugun eredua", nabarmendu du.
Bide horretan, egubakoitzeko topaketa baliatu gura dute parte-hartze kolektiborako espazioak sortzeko, Ezker Anitza-IUren hauteskunde programaren baitan ideiak partekatzeko eta eztabaidatzeko. "Herritarrekin konektatu gura dugu, ulertu dezaten haiek direla gure lehentasuna, Gobernuan egon ala oposizioan egon".
Orain arte izan dituzten debateak honako gai hauen ingurukoak izan dira: justizia soziala, demokrazioa, berdintasuna, ekologia, osasuna, migrazioa, gazteria, kultura eta euskara. Azkenik, politika progresistak aplikatu ahal izateko, ezkerreko gehiengo baten beharra aldarrikatu du Merinok.
