Lanak aed@aedelkartea.eus helbidera bidali beharko dira martxoaren 24a baino lehen eta sari banaketa ekitaldia maiatzaren 11an egingo dute Kulturaten. Gaztetxoek, ohi bezala, hiru sortzaileren oinarriak erabiliko dituzte lanak prestatzeko. Gaztetxoenek narrazioa idazteko oinarri gisa hartuko duten ilustrazioaren egilea den Oier Zuñiga. Ilustrazio lehiaketan parte hartuko dutenek, oinarri gisa hartuko duten mikroipuina idatzi du Nerea Cataniak. Eta bukatzeko Aimar Elortzak kolaboratu du edizio honetan, izan ere, parte hartzaileek Elortzaren argazki bat hartuko dute oinarri gisa mikroipuna idazteko. Beraz, edizio honetan Zuñiga, Catania eta Elortzak jarri dute haien aletxoa.
Lehiaketaren inguruko informazio gehiago Arrasate literatur lehiaketako webgunean aurki daiteke.