Markagailuak erakusten duena (6-3) baino larritasun handiagoarekin lortu du Mondratek Tolosala mendean hartzea. Arrasatearrek ez zuten nahi moduko urte hasiera izan, 2023ko lehenengo partidua galdu egin zutelako, eta bigarrena berdindu, baina zuzendu dute hori, hurrengo bi partiduak jarraian irabazi dituzte-eta: "Play-off postuetatik oso gertu gaude eta hor mantentzeko halako partiduak derrigor irabazi behar dira. Oso talde ona dugu eta dinamika onean gaude ostera ere. Hamasei taldetako liga bat da hau, maiatza amaierara arte partiduak izango ditugu eta ezin gara lasaitu. Horregatik da garrantzitsua gaurkoa moduko partiduak irabaztea".