Joan den astean Bordelen bikain ibili eta gero (4,43), atzo, Anoetan, Malen Ruiz de Azuak ezin izan zuen salto onik egin. Probaren aurretik ere bazekien hitzordu "arraroa" izan zitekeela, txapelketa gauza berriak probatzeko baliatu behar zuelako; esaterako, salto aurretik egin beharreko pauso kopurua.
Jonathan Perez entrenatzaileak azaldutakoaren arabera, "sentsazio eskasa" geratu zaie: "Bagenekien ezohikoa izango zela; hortaz, ez dago gaizki. Gainera, astean zehar iskiotibialetako minarekin egon da. Orain, ondo errekuperatzea da garrantzitsua".
