Apirilaren 28tik maiatzaren 1era bitartean ospatuko dira aurten Arrasateko San Andres auzoko jaiak eta ari dira egitataraua prestatzen. Dagoeneko aurreratu dituzte etorriko diren taldeetako bi: Kaos Etiliko eta Txapelpunk. Agurainen sortu zen Kaos Etiliko taldea 1997an eta lehen diskoaren 25. urteurrena ospatzera dator Arrasatera. Taldekideen artean daude, gainera, Eskoriatzako eta Oñatiko musikari bana. Txapelpunk talde bizkaitarrak berriz, 1999an jo zuen lehen kontzertua eta 2000 urtean atera zuen lehen diskoa.
Apirilaren 29an joko dute bi talde horiek San Andres auzoan. Bezperan eta hurrengo egunean ere, egongo dira kontzertuak, hala ere. Egitaraua ixten ari dira orain jai batzordekoak.
