Hogeita seigarren edizioa du aurten kartel lehiaketak eta, beste urte batez, jarraitu gura dute Martxoaren 8a aldarrikapenerako eguna dela adierazten. "Antolatzen eta saretzen jarraitzeko eta jendartea eraldatzeko ahaleginari ekiteko; lortutako eskubideetan atzera pausorik izan ez dadin, eta jendarte parekidea eraiki dezagun, denon artean, feminismotik. Izan ere, feminismotik emakumeok mundua mugitzen dugu eta feminismotik lan egiten jarraituko dugu" adierazi du Johanna Sanchez Berdintasun zinegotziak.
Era berean, nabarmendu du lehiaketa egonkortuta dagoela herrian, azken urteetan urtero egin izan baitute. "Hori dela eta, eskerrak eman nahi dizkiegu orain arteko edizioetan parte hartu dutenei", nabarmendu du. "Hasieratik, lehiaketa honen helburua izan da sormenetik eragitea eta Martxoaren 8aren inguruko ekimenak iragartzea, eta erabili ohi dugu herritarrak gonbidatzeko bertan parte hartzera. Artea eraldaketarako tresna ere badelako, jendea animatu nahi dugu aurtengo lehiaketan parte hartzera".
Oinarri guztiak, eskuragarri
Lehiaketaren oinarriak hemen kontsultatu daitezke. Halaber, zalantzak argitzeko, idatzi emakumetxokoa@arrasate.eus helbide elektronikora edota deitu honako telefono zenbaki hauetara: 943 79 41 39 / 618 20 62 33 (Emakume Txokoa) eta 943 25 20 00 (BAZ).