Urtarrilaren 12an abiatuko du Kooltur Ekintzak Ekimenak urte berriko musika eskaintza. "Bilbon bizi den Birkite Alonso gasteiztarrak gidatzen duen Birkit taldeak zabalduko du 2023ko kartela. Noise eta post-rock taldeetan jardun zuen gaz- taroan eta 2017an abiatu zuen bakarkako ibilbidea. Gaur egun taldearekin jarduten du, eta, batez ere, folkari eta rockari sentimendu gehiago emanez", azaldu du antolatzaile taldeko Iker Barandiaranek.
Berriak eta eskarmentudunak
Mungiako Toc laukoteak hartuko du lekukoa urtarrilaren 19an. "Zeresana ematen ari dira; intentsitatea eta dramatismoa duen talde interesgarria da". Urtarrilaren 26an, Sua taldea izango da Arrasateko gaztetxean. "Rockaren esparru zabalean kokatuta, doinu modernoak eta dantzagarriak egiten dituzte, amorruarekin abestuta".