Txatxilipurdi Elkarteak antolatuta eta Porrotxek eta Porrotxinek berak gidatuta, Arrasateko hainbat eragile eta taldek partekatu dute Amaia antzokiko oholtza eta, umorea ardatz hartuta, aldarte ederrean aritu dira, haur eta gurasoen gozamenerako. Askotariko balioak plazaratzeko ere baliatu dute festa, gizarte inklusioa edota aniztasuna, besteak beste, eta emozioak ere azaleratu dira une askotan.
Asko izan dira emanaldian parte hartu duten eragile, kolektibo eta taldeak: Arrasate Musikal, Porrotxinen familia, Lore Gazteak, danborrada, Arrasate Rugby Taldea, Porrotxinen kintoak edo adinkideak, trikiti taldekoak, Izaskun Murgia Lirika Elkartea, txistulariak, Erraldoi eta Kilikien konpartsa eta Txatxilipurdi Elkartea.
Goiena telebistak osorik grabatu du emanaldia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.