Euskal presoak izan zituzten gogoan eta, gertuago egon arren, etxean behar dituztela adierazi zuten. "Etxeratze bidea baina, oztopoz eta trabaz betea dago, ikusi besterik ez dago azken hilabeteetako gradu erregresioak, espetxe baimenen ukapenak, eta abar. Mendeku eta gorroto honen adibide da Joseba Arregi preso oñatiarra. Azken hilabeteak kalean eman ondoren, berriz espetxeratu dutena".
Horren aurrean, elkarbizitza eta etxeratze prozesua bururaino eramateko elkarlana, aktibazioa eta mobilizazioa sustatzen jarraitu behar dutela azpimarratu zuten: "Hori delako salbuespen neurriekin amaitzeko aukera bakarra".
