Arrasate Hiria nazioarteko xake txapelketa normaltasunez jokatu ahal izan dute Gabonetan, eta txapela bederatzigarren aldiz janztea nahi zuen Alejandro Francok ez zuen helburua bete. Azpeitian bizi den madrildarra zen faborito nagusia, baina azken partidan Juan David Becerra kolombiarrarek mendean hartu zuen, eta harendako izan zen txapela. "Pandemia garaiaren ostean normaltasunera bueltatu da txapelketa, eta parte-hartze handia eta denetariko jokalariak izan ditugu", adierazi dute antolatzaileek.
![](https://goiena.tok-md.com/argazkiak/PTK/cache/Asier_Etxagibel_lehen_Debagoienarra_tokikom_700x700.jpg)
Urtarrilaren 14an hasiko dute liga
Bestalde, datorren urtarrilak 14an hasiko die xake ligak. Aurtengo denboraldixan Arrasate/Arlutzek 3 talde aurkeztuko ditu, Gipuzkoako Lehen Mailan –Arrasaten jokatuko dituzte etxeko partidak–, Gipuzkoako Preferente Mailan –Arrasaten jokatuko dituzte partidak– eta Euskal Ligako Ohorezko Mailan –Aretxabaletan jokatuko dituzte partidak–.