Egun-pasa benetan polita izan zutela adierazi dute bertako kideek: "Egun polita pasatu dugu. Goizean, Arrasateko San Frantzisko elizan dagoen Belenen erakusketa ikusi dugu, ondoren Arrasaten bueltatxoa eman, eta azkenik, Irati tabernan elkarrekin Gabon bazkaria egin dugu. Bazkarian bueltan Gabon kanta batzuk ere abestu ditugu eta poz-pozik eman diogu 2022 urteko aisialdi programari amaiera".
Era berean, 2023an ere lanean "gogotsu" jarraitzeko asmoa agertu dute: "Bidean Heziketa Zentro Okupazionaletik guztioi Urte Berri On! 2023 urtean ere lanean jarraituko dugu gizarte bazterkerian daudenen ondoan egoteko, elkarrekin bidea egiteko, egunero irribarre polit bat ateratzeko eta bizitzan esperantza argia pizteko! Gora bihotzak!"
