Urtarrilaren 5era bitartean parte hartu ahalko da jolasean. Proba zuzen gainditzen duen lehenak 100 euro irabaziko ditu Ibai-Arteko erosketa txarteletan, eta, ginkanan parte hartu eta zuzen erantzuten duten gainerako guztien artean, 100 euroko beste bost erosketa txartel zozketatuko dituzte.
Funtzionamendua
Ginkana hasteko, jolasaren sarbideko QR-a eskaneatu behar da, eta bertan agertzen dira jarraitu beharreko proba eta argibideak. Guztira hamar proba gainditu behar dira, eta, erantzundako gako bakoitzeko kolore bateko QR-a eskaneatu behar da hurrengo puntura igarotzeko.
