Kooltur Ekintzako antolatzaileek "bi hanka basoan eta beste biak hirian" dituen banda bezala deskribatu dute Porco Bravo, "rock&roll kaletar eta gordinari punk-rocka eta ikuskizuna" batzen dizkiona.
Pandemian zehar Somos izeneko lan luzea erditu du "basurdeak", eta dagoeneko taldekideak hasiak dira kantu berriak jendaurrean eta betiko eran plazaratzen.
Ostiralean, pare bat kontzertu Arrasaten
Hurrengo egunean, hilak 30, Irati topalekuan emanaldi akustikoa egingo dute Asier Salak eta Garazi Barrenak, 22:00etan hasita. Ordu eta erdi beranduago, Aterpe tabernan zuzenekoa emango du gipsy-jazz estiloko Erromintxelak taldeak.
