Beste urte batez, Gabonetako saskibaloi campusa antolatu du Arrasateko Ointxe! saskibaloi klubak. 2007tik 2014ra bitartean, biak barne, jaiotako gazteei zuzendutakoa izango da. Bi txandatan banatu dute; lehenengoa abenduaren 26tik 30era izango da eta bigarrena, berriz, urtarrilaren 2tik 5era. Musakolako kiroldegian egingo dira jarduerak 09:00etatik 13:30era.
Halaber, bi programatan banatu dute campusa. Alde batetik, 2007tik 2010era jaiotakoek osatuko dute multzo bat; eta beste bat 2011tik 2014ra jaiotakoek.
Ointxe!-tik aurreratu dutenez, entrenatzaile eta monitore titulatuek zuzenduko dituzte ekintzak eta joku nahiz ariketa didaktikoen bitartez gidatutako formakuntza izango da.
Lehenengo astearen prezioa 70 eurokoa da, eta bigarren asterena, aldiz, 60 euro. Bi txandetan ere har daiteke parte 110 euroren truke. Izena emateko eta informazio gehiagorako idatzi kirolzuzendaritza@ointxe.eus helbide elektronikora edo deitu 653 01 48 60 telefono zenbakira.
