Mondragon CF taldeak Jose Luis Ibarguen, Txelis, omenduko du, hamabosgarren urtez, datorren abenduaren 30ean. Txelis, Mondrako jokalari izateaz gain, zuzendaritzako kide, laguntzaile eta formazio eta behe mailako taldeetan entrenatzaile ere izan zen, eta hilaren 30ean 250 neska-mutiko inguruk jokatuko dute haren omenez. Bada, klub zuri-moreak 16 talde gonbidatu ditu torneorako –klubak 11 dira guztira, baina klub batzuek talde bat bano gehiago ekarriko dituzte–. Bada, Abadiño da Bizkaitik etorriko den taldea, eta gainontzekoak gipuzkoarrak dira, Reala tartean. Txapelketa beste urte batzuetan goizez jokatu izan dute, baina aurtengo edizioa arratsaldez jokatuko dute. Hala, partiduak 14:00etan hasiko dituzte eta aurreiksupena da finala 19:00etan jokatzea.
Txapelketan egongo diren klubak hauek dira:
- Mondragon CF
- Beasain
- Abadiño
- Soraluze
- Tolosa
- Segura Goierri
- Bergara
- UDA
- Hernani
- Lagun Onak
- Aloña Mendi
