Lehenengoz antolatu dute, Musakolan, Baserritarren Eguna. Musakola Bizirik egitasmoaren baitan egin dute ospakizuna. "Oso pozik gaude, egun oso polita izan da", azaldu dute antolatzaileek.
San Isidro ermita eraberritu egin dute eta gaur zabaldu dute berriro ere. "Teilatua konpondu da, eta egurrezko habeak ere tratatu dira", adierazi dute. Ermita bete egin da meza entzuteko. Ondoren, luntxa izan dute erretiratuen etxean: berakatz sopak eta txorizo egosia.
Egun osoko ospakizuna
Bazkaria, bakoitzak bere kontura egin ondoren, arratsaldean jaiak jarraituko du. Triki-poteoa izango dute, auzoko kaleak alaituz.