Ekintza ugariz beteta dator asteburua, eta egubakoitzean hasiko dira ekitaldiak. Ibai-artek hainbat ekintza antolatu baititu arratsalderako.
Tiritantes antzerki-zirkuko kideek Ulterior el viaje ikuskizuna eskainiko dute egubakoitzean, 18:00etan, Biteri plazan. Kalejira bat da, eta protagonistek fantasiazko izakiak izango dituzte lagun.
Ikuskizun horrez gain, 19:00etatik 21:00etara disko festa antolatu dute, Dantzarako prest lelopean, Herriko Plazan. Jakinarazi dutenez, kantu guztiak euskaraz izango dira eta abesti sexistarik gabeko ekintza izango da, gainera.
Otarren banaketa
Are gehiago, tarte horretan, gaueko zortzietan, Ibai-arte merkatarien elkarteak 50 otzara banatuko ditu leku berean. Sustrai fruta-dendak eginiko otarreak dira eta astelehenera arte izan zen parte hartzeko aukera.