Nik sinisten dizut! leloarekin egin zen iazko irakurraldia, eta orduko "arrakasta" ikusita, bigarrena egingo dute Gure ahotsak, gura indarra. Nik sinisten dizut! leloarekin. "Leloak erreferentzia egin gura dio emakumeen autodefentsarako gaitasunari, elkarrekin antolatzeak ematen duen indarrari, ahizpatasunari, emakumeon ahalduntze pertsonalari eta kolektiboari, saretzeari; konplizitatea sortzeari, zaintzeari, aitortzeari, erreparazioari, biolentzia matxistak azaleratzeari... Hau guztiau plazaratzeko eta konpartitzeko espazio seguru bat sortu nahi dute. Horixe da irakurraldiaren xedea", esan du Amets Beltran de Gebarak, Emakume Txokoko langileak.
Gonbidapena
Talde eragilearen lana izan da, besteak beste, testuak lokalizatzea, ezaugarri ezberdinetako emakumeengana eta elkarteetara gerturatzea, proposamenak luzatzea eta irakurraldia osatuko duten elementuak lotzea. Antolatzaileek herritar guztiak gonbidatu dituzte. "Izan ere, emakumeon aurkako indarkeriak, jendartean normalizatu eta sarri isilarazi egin ohi dira, bigarren mailakotzat kontsideratuz eta zilegitasun osoa ebatziz. Horregatik guztiagatik, ozen esan nahi dugu 'Gure ahotsak, gura indarra. Nik sinisten dizut!'", azaldu du Berdintasun zinegotzi Johanna Sanchezek.