Kamel Ziani krosa jokatu zen Orion, laugarrenez, joan den martitzenean eta han izan ziren Arrasate atletismo taldeko hainbat korrikalari gaztetxo. Kategoriaz kategoria adin-tarte bakoitzera egokitutako lasterketak izan ziren eta distantzia ezberdinetakoan hartu zuten parte arrasatearrek ere.
Nesken alebin mailan, esaterako, 1.200 metroko distantzian, hauek izan dira emaitzak: Nile Agirretxe laugarren, Elene Kortabarria hamargarren, Laida Zubizarreta hamaseigarren, Irati Regodesebes hamazazpigarren eta Ilargi Sanzberro hogeita hamaseigarren. Nesken infantil mailan, berriz, 1.500 metroko lasterketan: Uxue Elkorobarrutia hamaikarren postuan helmugaratu zen, June Bengoa hamazazpigarrenean, Leire Luengo hogeita laugarrenean, Maren Aperribay hogeita bosgarrenean eta Ane Zubizarreta hogeita zazpigarrenean. Mutiletan, infantil mailan, 2.000 metroko distantzian: Siro Etxebarria lehenengo eta Markel Rodriguez zortzigarren.