Herriko plazako bolo nagusia 12:30ean puntuan hasi da. Ume gazteenak agertokira begira eta nagusiagoak udaletxera begira, ozen abestu dute kantu ezaguna eta Udaleko zinegotziak abestia amaitu eta berehala hasi dira askotariko litxarreriak botatzen.
Musakolan, San Andresen, Erguinen...
Herriko plazako boloaz gain, herriko beste hainbat txokotan ikusi izan dira umeak goizean zehar. Urtero legez, aurten ere Erguinen eta San Andresen ere ospatu dute San Nikolas eguna, auzotarrek antolatuta. 10:45etan Usaetxe plazan elkartu dira eta honako ibilbide hau egin dute, trikitilarien laguntzarekin: Usaetxen elkartu, eta Munar, Arimazubi (11:30ean Sumendin), Uribe auzoa, Uriburu kalea eta Larrea plaza zein Usaetxe plaza zeharkatu dituzte, Uribarriko Erretiratuen Etxean ere geldialdia eginez.
Musakolan ere ume mordoa elkartu da haurreskolan egin duten bolorako.