San Felipe Elkarlaguntzak antolatuta, Gabonak etxean norbait falta denean hitzaldia egingo dute astelehenean, abenduak 12, Kulturateko areto nagusian, 18:00etan. Doluan aditu Maite Urzain eta Fernando Ipiña izango dira gidariak, eta Marina Estevezek bere testigantza emango du.
"Maite ditugun pertsonak hiltzen direnean, Gabonak eta esanguratsuak diren beste data batzuei aurre egiteko jarraibide osasungarriak partekatuko ditugu. Zure burua kokatzen lagunduko zaitugu, gure arteko babesa sortuz", adierazi dute San Felipe Elkarlaguntzatik.
Halaber, Mario Fernandino saxofonistak, Marta Izagirre pianistak eta Nerea Elorza eta Agurtzane Altuna dantzariek, musikarekin eta dantzarekin lagunduko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.