Partidu osoa jokatu dute Ointxe!-ko mutilek. Hasieratik kantxaratu dira oso kontzentratuta, eta lehen bost minutuetan abantaila hartu dute markagailuan. Ostean, bizkaitarrek abantaila murriztea lortu dute, baina, atsedenerako 14 puntu zeuden aurretik etxekoak: 55-41.
Abantaila hori handitu egin da hirugarren laurdenean: 80-58. Partidua erabakita zegoela, azken tartean, getxoztarrak izan dira hobeak, puntuei erreparatuta: 26 lortu dituzte eta arrasatearrek 20. Dena den, ez da nahikoa izan emaitzari buelta emateko, eta puntuak etxean geratu dira.
MUren hurrengo aurkaria Santurtzi izango da: "Ez zuten liga hasiera ona izan, baina, azken lau partiduak irabazi ditu jarraian. Hala, parean gaude sailkapenean lau garaipenekin. Hortaz, han jokatuko dugun partidua oso borrokatua aurreikusten dugu. Borrokatua eta oso inportantea", esan du entrenatzaileak.
