Neurri horrek "eragin sozial handia" izan duela gizartean adierazi du, eta herritar askori egin diola mesede gaineratu. Arrasateko talde sozialistaren bozeramaile den Aritz Muruak zera dio: "Ez dago Arrasateko familia bakar bat ere garraio publikoaren deskontua baliatu ez duenik". Eta haren ustez garrantzitsua da deskontuei eustea "funtsezko zerbitzua" ematen dutelako ikasleendako eta langileendako: "Hain zuzen ere, dituzten zailtasun ekonomikoak direla eta, haiek behar dute zerbitzu hori ikastetxera edo lantokira joateko".
Eusko Jaurlaritzako Garraioko sailburu Iñaki Arriolaren eta Mugikortasuneko diputatu Rafaela Romeroren esku-hartzeak funtsezkoak izan direla adierazi du eta gaineratu PSE-EE eta EAJ koalizioko udal-gobernua saiatzen ari dela Udalak toki-mailan defizita bere gain hartzea, herri barruko autobusaren hobariak duen kostua dela eta –urtean 31.275 euro–.