AEDren baitan dagoen Ttak gazte taldeak egun osoko egitaraua antolatu du, taldea bera herrira zabaldu eta gehiago ezagutarazteaz gain, Arrasateko gazte euskaltzaleak batzeko helburuarekin. "Edozelan ere, euskaraz gozatu gura duen edonor egongo da gonbidatuta antolatu ditugun ekintzetara", nabarmendu dute.
Honako hau da egitaraua:
- 11:30ean, Kulturaten, Asisko Urmenetaren Amaiur! Liberate State liburuaren aurkezpena.
- 14:30ean, gaztetxean, gazte bazkari herrikoia.
- 17:30ean, gaztetxean, bazkaloste akustikoa, Garazi Barrenaren eskutik.
- 19:00etan, poteo musikatua, Irati tabernatik hasita.
- 22:30ean, gaztetxean, kontzertuak: Etxepe, Oihu eta Muxutruk erromeria. 22:00etan irekiko dituzte ateak eta sarrera 3 euro izango da.
