Endika Donnayk 02:28:56 denborarekin Gipuzkoako txapela jantzi du gaur jokatu den Donostiako maratoiaren baitan. Arrasatearrarendako lehen maratoia izan da eta hilabeteetako esfortzuak merezi izan duela aitortu dio GOIENAri.
"Sentsazioa brutala izan da, irteera malkotan egin dut, hunkituta. Ia bost hilabete prestatzen ibili ostean, oso pozik nago. Ez dut inoiz horren lasterketa luzerik egin eta ederra izan da. Amaieran haizea kontrara izan dut eta gogorra izan da".
Donnayk abendua lasai hartuko duela esan du, eta ondoren, maratoi berri bat helburu izango duela gaineratu du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.