Arrasateko Mugimendu Feministak deituta, herritarrek bete egin dute Seber Altube plaza indarkeria matxista salatzeko. Beldurra eta kontrolaren aurrean justizia feminista lelopean, emakumeen kontrako indarkeria instituzionala ez ezik, indarkeria oro ere salatu dute. "Beldurrean oinarritutako diskurtsoak egon dira; baita kontrol soziala eta poliziaren presentzia neurrigabea ere. Gainera, Euskal Herrian aspaldian ikusi dugu mugimendu feminista kriminalizatzeko saiakera ezberdinak egon direla", gaineratu du Arrasateko Mugimendu feministak.
Era berean, Arrasateko Mugimendu feministak, eskatu nahi izan die indarkeriaren eta eredu patriarkatuaren aurka dauden gizonezkoei euren aldarrikapenak publiko egiteko. Elkarretaratzearen amaieran, indarkeria jasan duten hainbat emakumeren testigantzak izan dira presente herriko hainbat herritar eta eragileren ahotik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
