Ikastaroaren helburua gazteen artean "jokabide osasuntsuak" sustatzea da eta, esan moduan, nerabe eta gazteekin lan egiten duten langile eta boluntarioei zuzenduta dago (hezitzaileak, begiraleak, entrenatzaileak eta abar). "Izan ere, hauek nerabeekin duten harreman eta hurbiltasunak aukera ematen die eguneroko harreman naturalaren bitartez, nerabeei informazioa helarazi eta haien artean ohitura osasuntsuak bultzatzeko", azaldu dute Udal Gobernutik.
Saioak euskaraz izango dira eta formazioan parte hartzen duten pertsonek ziurtagiri bat jasoko dute. Informazio gehiago, Gizarte Zerbitzuetan: 943 25 20 07.