Mikel San Miguel jai batzordeko kidearen arabera, urtetik urtera gorantz doa parte-hartzea: "Bazkarirako izen-ematea 130 lagunekin itxi behar izan dugu; horrek esan nahi du aurreko urteetan baina jende dezente gehiago dagoela, urterik urtera gorantz doala Gazte Eguna". Antolatzaileak, beraz, pozik daude: "Gure etorkizuna diren gazteendako egun polit bat antolatzea nahi genuen, eta lortu dugu helburua".
Abenduaren 17ari begira
San Miguelek, gainera, aurtengo nobedade baten berri ere eman du: "Abenduaren 17an baserritarren eguna ospatuko dugu Musakolan. Iazko pentsatuta genuen, baina ez genuen aukerarik izan pandemiagatik; dena den, aurten bai, egingo dugu. Santamasen atarian antolatuko dugu, ezin da-eta ahaztu Musakola baserritar auzoa izan dela betidanik".